Li cicle for de Rust es un potent amelioration. It itera sur valores de quelcunc expression queles evalua se ad-in un iterator. Quo es un iterator? Un iterator es un object a quel on posse demandar: "Quo es li cose sequent quel tu possede?" til quande ti coses es exhaustet.
Noi va explorar pri to in plu detallie in un capitul futuri, ma por li moment it mey suficer a saver que in Rust it es facil crear iteratores queles genera un sequentie de ciffres integral.
Li operator .. crea un iterator quel genera ciffres ex un comensant ciffre til, ma ne includent, un final ciffre.
Con li operator ..= on crea un iterator quel genera ciffres ex un comensant ciffre til, e includent, un final ciffre.