Raw (crud) Puntatores

On posse converter referenties a un tip plu primitiv nominat un raw pointer. Just quam un numeró, on posse copiar e mover it sin grand restrictiones. Rust da nos null certitá pri li validitá del loc de memorie a quel it punta.

Hay du tipes de crud puntatores:

• *const T - Un crud puntator a data del tip T quel deve ne changear se.
• *mut T - Un crud puntator a data del tip T quel posse changear se. On posse converter crud puntatores ad-in e ex ciffres (p.ex. usize). Crud puntatores posse accesser data usante code unsafe (on parla pri to plu tard).

Detallies de memorie:

• Un referentie in Rust es tre simil a un puntator in C in su usada, ma con mult plu restrictiones ye témpor de compilation pri qualmen on posse plazzar e mover it ad altri functiones.
• Un crud puntator in Rust es simil a un puntator in C nam it representa un numeró quel on posse copiar e mover, e mem converter a tipes numeric quel on posse modificar it por far matematica puntatori.