Memorie

Programmas in Rust have 3 regiones de memorie ú es plazzat li data:

• data-memorie - Por data con un grandore fix e static (a saver, sempre disponibil durant li vive del programma). Ples considerar li textu in tui programma (p.ex. "Salute Munde!"); li bytes de ti-ci textu es solmen leet e pro to on plazza les in ti-ci loc. Li compilatores sovente optimisa ti tip data, on considera les rapidissim a usar pro que lor locs es conosset e fix.
• stack memory (cumul-memorie) - Por data declarat quam variabiles intra un function. Li loc de ti-ci memorie ne changea se durant li duration del vocation de un function, e pro to li compilatores posse optimisar li code por far data in li cumul rapid a utilisar.
• heap memory (amasse-memorie) - Por data creat durant que li aplication execute se. Li data in ti-ci loc posse esser adjuntet, movet, removet, mesurat, etc. Pro su natura dinamic on considera it plu lent a utilisar, ma it possibilisa plu creativ usationes de memorie. Quande on adjunte data a ti-ci region on nomina it un alocation. Quande on remove data de it on nomina it un dealocation.